Ya Fatima Lyrics - Mesum Abbas - Ayyam e Fatima Noha 2024 - Paknohay

 

 

Lyrics

 

“Tumne Humko Na Bhulaya, Humne Tumko Na Bhulaya”

Ya Fatima Salam Ullah Alaiha

1-Tujh Pe Shahzadi e Konain Meri Jaan Fida
Kya Mila Tujhko Zamane Se Musaib Ke Siwa
Baad Paighambare Islam Hui Aur Jafa
Cheeni Jagir Fidak Baap Ka Wirsa Na Diya
Tujhko Jhuthlaya Gaya
Kitna Tarpaaya Gaya
Haye Afsos Muhammad Ka Chaman Loot Liya

Ya Fatima Salamullah Alaiha

2-Woh Jo Rehte Thay Shifa’at Ke Talib Ghar Sabhi
Agaye Ghar Ko Jalane Woh Sitamgar Sabhi
Tune Ayaat Sunadeen Sar e Darbar Sabhi
Phir Bhi Jhutlaate Rahe Tujhko Gunahgaar Sabhi
Tune Jab Noha Kiya
Hans Diye Ahl-e-Jafa
Aur Quran Ki Aayat Ne Yeh Bain Kiya

Ya Fatima Salamullah Alaiha

3-Pasliyan Toot Gayin Jalta Hua Dar Jo Gira
Aur Muhsin Ki Shahadat Ka Tujhe Dard Mila
Roaye Is Baat Pe Haider Jo Tujhe Ghusl Diya
Ta Dam-e-Marg Tera Haath Na Pehlu Se Hata
Kyun Chupaya Tha Bhala
Tune Yeh Zakhme Jafa
Main Tere Baad Isee Baat Pe Hoon Mehve Buka

Ya Fatima Salamullah Alaiha

4-Maa Chali Jaaye To Lagta Hai Khuda Rooth Gaya
Sayebaan Koi Nahi Duniya Mein Maadar Se Bada
Meri Bibi Teri Mayyat Pe Yeh Beton Ne Kaha
Neend Raaton Ki Gayi Aap Ka Saya Jo Utha
Humko Tarpaao Nahin
Chhod Ke Jao Nahin
Ab Kahan Paayenge Hum Aap Ke Anchal Ki Hawa

Ya Fatima Salamullah Alaiha

5-Main Tere Naam Ki Tasbeeh Jo Parhta Hoon Kabhi
Khoon Rulati Hai Mujhe Teri Musibat Bibi
Woh Ibadat Woh Musalle Pe Teri Noha Gari
Haath Ek Pehlu Pe Ek Haath Se Tasbeeh Parhi
Woh Rukoo Aur Sujood
Teri Gurbat Pe Durood
Is Aziyat Mein Namazein Na Hueen Teri Qaza

Ya Fatima Salamullah Alaiha

6-Ek Pal Ko Bhi Teray Gham Ko Na Mein Bhool Saka
Teri Marqad Ka Suna Phir Mein Baqayya Pohoncha
Woh Udasi Woh Andhera Woh Sitamgar Fiza
Haye Marqad Ki Alamat Ko Bhi Rehne Na Diya
Rauza Ban Jaye Tera
Yeh Hai Armaan Mera
Phir Wahan Jaayein Ziyarat Ko Sabhi Ahl-e-Aza

Ya Fatima Salamullah Alaiha