Koi Bataey Mujhy kitni Raat Baqi Hai
Sakina Qaid Main Ye Keh Ky Roey Jaati Hai
Mahiny Beet Gaey Din Nahi Nikalta Hai
Taweel Rat Hai Itni K Khof Aata Hai
Andheri Raat Ye Mujh ko Boht Satati Hai
Ay Baba Qaid Main Kuch Rooshni Nahi Aati
K Tum Bhe Aaty Nahi Moat Bhe Nahi Aati
Or Us Py Maan Bhe Mulaqat Bhool Jaati Hai
Kasam Hussain Ki Ab Main Nahi Sataongi
Rehaee Gar Naa Milli To Main Mar He Jaongi
Sakina Aapki Baba Kasam Ye Khati Hai
Ay Bhae Mujh Ko Madine Naa Le Ky Jaogy
Kya Qaid Khany Mn Meri Lehd Banaogy
Watan Chalo Mujhy Sughra Ki Yaad Aati Hai
Akheer Waqt Main Jis Dam Sar E Hussain Milla
Sakina Bibi Ky Dil Ko Boht He Chain Milla
Labb E Hussain Se Matti Hataey Jaati Hai
Sar E Hussain Ko SeenY Py Rakh ky Kehti Thi
Zaefa Beti Hai Kya Chaar Saal Ki Bachi
Tamachy Shimar K Baba Jo Rooz Khati Hai
Ky Ankhyn Kholiye Baba Na Kuch Chupaegi
Sakina Kaano Sy Behta Lahuu Dikhaegi
Tumhari Yaad Main Ankhon Sy Khoon Bahati Hai
Khuli Hussain Ki Ankhyn Huwa Bapa Matam
Nazr Nazr Se Milli Or Phir Nikal Gaya Dam
Sakina Jaate Huwy Shahh Ko Rulati Hai
Raza O Mirzaa ki Ankhyn Ye Keh Ky Behti Hain
Sadaen Aaj bhe Zindaan Sy Aati Rehti Hain
Rehaee Mil Gae Sabh Ko Sakina Qaidi Hai..
0 Comments:
Please do not enter any spam link in the comment box.