Main Agar Wahan Hota Lyrics - Tejani Brothers - Noha 2020 Muharram 1442

   

Aapki jagah apna mai gala kata deta,

Apne khoon ka ek ek qatra mai baha deta,

Zindagi ka sarmaya aap par luta deta,

Azmo-hausla apna dasht me dikha deta,

Mai agar wahan.....

Nehr par mera bazu kaash kat gaya hota,

Naiza mere seene par zulm ka laga hota,

Hurmula ke navak se  halq bhi chida hota,

Karbala ke daman me mai bhi so raha hota,

Mai agar .....

Khaake-Karbala ko mai ankhon se laga leta,

Apni jaan de deta aapko bacha leta,

Badh ke garm reti se aapko utha leta,

Fatima se Jannat me iska mai sila leta,

Mai agar ...

Saaye ki tarah maula sath aapke rehta,

Aap hi ki nusrat me pehle khu'n mera behta,

Har sitam utha leta har jafa ko mai sehta,

Mere khoon ka qatra baar baar ye kehta,

Mai agar ...

Apni palken rahon me aapki Bicha deta,

Zakmi jism par marham aapke laga deta,

Dhadkano ko apni mai aap par luta deta,

Apne sar ko naize par Badh ke mai chadha deta,

Mai agar ...

Ab to yu'n guzarti hai meri zindagi  'tauqeer',

Chayi rehti hai har dam mujhpe bekhudi 'tauqeer',

Door ho gayi mujhse ab Hansi khushi 'tauqeer',

Lab pe hai 'Tejani' ke nauha bas yahi 'tauqeer',

Mai agar...