Ghazi Almadad Lyrics - Tejani Brothers - Noha 2020 Muharram 1442

babul hawaij almada 

ae mere ghazi almadad

Maula hai tujhse lo lagi, main tere dar pe agaya,

Mangu Bhala Auron se kyon, Karta Hai Jab Tu Sab ata,

Sunta hai tu Dil ki Sada, Tere Siwa ab to Mera

Koi Nahi hai Sahara

Mola Ali ne ki Dua, Aisa Ho Ek Beta Ata

Tanha bhi ho to Sher Ho, Sabka Bane Jo Asra

Jiske Alam Kay Saaye mein Akar na de Koi Sada

Koi Nahi hai Sahara

Jaari Rahe Seena Zani Noha Gari Rasm e aza

Naslon mein Qaim ho Aza, Aulad Kar aisi Ata

Shabbir Kay 6 Maah Kay Asghar ka Tujhko Wasta

Koi Nahi hai Sahara

Bimar ko De de Shifa Sajjad Ka hai Wasta

Maqrooz kay HarQarz ko Tu Ghaib se Karde Ada

Be jurm Jo Hain Qaid mein dete Hain Sab Tujhko Sada

Koi Nahi hai Sahara

Gham se Bhara Hai Dil Mera Ae Fazl Kay Baba Suno 

Mushkil Kusha kay Laal Ho Mushkil ko Meri Hal karo

Hoon Mushkilon Me Ghir Gaya Tanha Hoon Kitna Dekhlo

koi Nahi Hai Sahara

Sarwar Chale Medan se Akbar ki Aiii Jab Sada

Girte Hue Uthte Hue Puhanche shah e Karbobala

Lasha Jawan Jab na Utha Rote Hue Sheh ne Kaha 

Koi Nahi Sahara

Thi Tauq Gardan mein Pari aur Hath mein thi Hathkadi

Sajjad Per Zindan mein Kaisi wo Mushkil thi Gharri

Mayyat Behan ki Na Uthi Bimar Kehta tha Yehi

Koi Nahi hai Sahar

Jab Shimr Kay Durr e Lage Rokar Sakina Kaha

Sehti Hoon main Zulm o Sitam dekho Zara Chehra Mera

Tumko Sakina ki Qasam Ajaiye mere Chacha

Koi Nahi hai Sahara

Karbobala se Sham Tak Sadat ka Haaye Safar

Tejani aur Zeeshan ka Dil Phat Raha hai Soch Kar

Sadat ko Pathar Lage  Dushman Sabhi Aaye Nazar

koi Nahi hai Sahara